Explotacións gandeiras
Duración
2 cursos académicos (2000 horas)
Competencia
Realizar operacións de alimentación, manexo, hixiene e sanidade dos animais destinados á obtención de produtos gandeiros ou de animais de compañía e experimentación, conseguindo a calidade esixida polo mercado, en condicións de seguridade e hixiene, e respectando e conservando o medio produtivo. Manexar e manter en uso as instalacións, máquinas, equipos e materiais necesarios. Organizar e xestionar unha explotación gandeira.
Contorno
Manexo, alimentación, e procesos reprodutivos dos animais; aplicación de medidas e produtos sanitarios; control de maquinarias e instalacións gandeiras; control do pastoreo. Tamén pode dirixir ou integrarse en empresas de servizos gandeiros, actuando como operador de grandes equipos ou como encargado de taller de mantemento e reparación das máquinas utilizadas nas explotacións gandeiras.
Saídas
Gandeiro de vacún para leite, gandeiro de vacún para carne, gandeiro de ovino, gandeiro de caprino, porcicultor, criador de cabalos, domador de cabalos, ferrador, avicultor, cunicultor, traballador de consultas clínicas veterinarias, traballador cualificado en salas de incubación, traballador cualificado en animais de experimentación, encargado de explotación gandeira, inseminador, recepcionista en consultas clínicas veterinarias, traballador cualificado en animais de compañía.
Módulos
| Módulo | Horas |
|---|---|
| Agrotecnoloxía | 185 |
| Coidados aos animais de compañía | 110 |
| Coidados aos animais de experimentación e outros pequenos animais | 90 |
| Coidados básicos, doma e adestramento do cabalo e outros animais | 160 |
| Formación e orientación laboral | 55 |
| Formación en centros de traballo | 380 |
| Horas á disposición do centro | 75 |
| Instalacións agrarias | 110 |
| Manexo racional do gando | 165 |
| Mecanización agraria | 215 |
| Organización e xestión dunha explotación agraria familiar | 110 |
| Produción gandeira intensiva | 345 |
Título
Técnico en explotacións gandeiras.
Acceso
Bacharelatos.
