Proxectos dinamizadores

O obxectivo é potenciar o desenvolvemento equilibrado do territorio, favorecer a xeración de actividade e incrementar o nivel de renda da poboación.

Apóianse proxectos con incidencia directa sobre o emprego e a renda das zonas rurais, accións que contribúen de xeito eficaz á diversificación económica e á modernización do tecido produtivo, e plans, programas e actuacións que, en xeral, xeran un impacto positivo sobre as zonas rurais.

A promoción do desenvolvemento rural galego abórdase dende unha perspectiva íntegra, que inclúe o apoio a accións tanto de natureza produtiva como non produtiva.