Doenzas (Versión en gallego)

1. Nas explotacións de ruminantes non se utilizan produtos que conteñan proteínas procedentes de animais terrestres nin de pescado, coas excepcións previstas no Anexo IV do regulamento.
2. Nas explotacións doutros animais produtores de alimentos distintos dos ruminantes non se utilizan produtos que conteñan proteínas procedentes de animais terrestres, coas excepcións previstas no Anexo IV do regulamento.
3. No caso das explotacións mixtas nas que coexistan especies de ruminantes e non ruminantes e se utilicen pensos con proteínas animais transformadas destinados á alimentación de non ruminantes, existe separación física dos lugares de almacenamento dos pensos destinados a uns e a outros.
4. Notifícase á autoridade competente a sospeita de casos de EET e cúmprense as restricións que sexan necesarias.
5. O gandeiro dispón da documentación precisa para acreditar os movementos e o cumprimento da resolución que expida a autoridade competente, cando esta sospeite a presenza dunha EET na explotación.
6. O gandeiro dispón da documentación precisa para acreditar os movementos e o cumprimento da resolución que expida a autoridade competente, cando esta confirme a presenza dunha EET na explotación.
7. O gandeiro posúe os certificados sanitarios que acrediten que se cumpre segundo o caso, o especificado nos Anexos VIII e IX sobre posta no mercado e importación, do Regulamento (CE) nº 999/2001.
8. O gandeiro non pon en circulación animais sospeitosos ata que non se levante a sospeita pola autoridade competente.
9. Notifícase de inmediato á autoridade competente a presenza, ou a sospeita de presenza, da enfermidade da febre aftosa (o animal debe estar illado das instalacións ata que o examine o veterinario oficial e decida as medidas que vaia a tomar).
10. Notifícase de inmediato á autoridade competente a sospeita da presenza dalgunha destas enfermidades:
    • peste bovina
    • peste de pequenos ruminantes
    • enfermidade vesicular porcina
    • lingua azul
    • enfermidade hemorráxica epizoótica do cervo
    • varicela bovina
    • estomatite vesicular
    • febre porcina africana
    • dermatose nodular contaxiosa
    • febre do val de Rift (o animal debe estar illado das instalacións ata que o examine o veterinario oficial e decida as medidas que vaia a tomar).
11. Notifícase de inmediato á autoridade competente a sospeita ou confirmación da lingua azul (o animal debe estar illado das instalacións ata que o examine o veterinario oficial e decida as medidas que vaia a tomar).